ភ្នំពេញ៖ ពលរដ្ឋដែលចេញទៅបោះឆ្នោតក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ ត្រឹមម៉ោង ១១ព្រឹកនេះមានចំនួនជិត ៥លាន ២សែននាក់ ដែលស្មើនឹងជាង៥៦%។
នេះបើយោងតាមរបាយការណ៍ដែលគណៈកម្មាធិការជាតិរៀបចំការបោះឆ្នោតបានផ្សព្វផ្សាយនៅថ្ងៃត្រង់ទី៥ ខែមិថុនា ឆ្នាំ២០២២នេះ។
ការបោះឆ្នោតជ្រើសរើសសមាជិកក្រុមប្រឹក្សាឃុំ/សង្កាត់អាណត្តទី៥ បានធ្វើឡើងនៅថ្ងៃទី៥ ខែ មិថុនា ដោយមានគណបក្សនយោបាយចំនួន ១៧ចូលរួម ដែលនឹងដណ្តើមយកកៅអីក្នុងតំណែងជាសមាជិកក្រុមប្រឹក្សាឃុំ/សង្កាត់ នៅទូទាំងប្រទេសសរុបចំនួន ១១ ៦២២កៅអី ក្នុងចំណោមឃុំ/សង្កាត់ចំនួន ១ ៦៥២ខណៈប្រជាពលរដ្ឋមានឈ្មោះក្នុងបញ្ជីបោះឆ្នោតប្រមាណជាង ៩លាន២សែននាក់៕
